كيفية تعلم اللغة الانجليزية بابسط الطرق

طـوّر لغتــك الإنجليـزيـة بـعشـر خطوات بسيطــة !!
السلام عليكم



النهاردة جايبه لكم معايا عشر خطوات عشان تطوروا لغتكم الانجليزيه .. و صدقونى (و عن تجربه) نصائح جباارة وهتخليك متميز فى اللغه مش هعطلكم و تعالوا نبتدى مع أول خطوة :

1. إقرأ بالإنجليزى:




إقرأ الصحف أو المجلات أو الإعلانات أو القصص , حاول انك تقرأ اللغه الانجليزية حوالى نصف ساعة يومياً .





2. إستمع للغة الإنجليزية:




إستمع للبرامج الإنجليزية الإذاعيه ( نشرة أخبار BBC هى الأفضل)






3. إكتب بالإنجليزى:




حاول تخلى الانجليزى جزء من حياتك العمليه دام إنت بحاجه إليها , حاول تكتب الحجات زى قائمة المشتريات أو مذكراتك بالإنجليزى (ولو عجز عليك حاجه متتردد انك تسأل حد) .






4. إتكلم بالإنجليزى :




حاول انك تتكلم مع أصحابك أو مدرسيك بالإنجليزى , و حاول انك تخصص ساعه فى الاسبوع تتكلم فيها انت مع اصحابك بالانجليزى فقط (عارفه ان دى صعبة شوية بس أكيد هتعرف حد بيحب اللغه) ويستحسن لو تعرف أجانب بيتكلموا اللغه كويس هيكون أفضل .






5. إستخدم كمبيوترك:




أيوا ممكن تستفيد كتيير أوى من جهازك .. لإن معظم البرامج بالإنجليزى و كمان مواقع تعليم اللغه الإنجليزيه بتعرض لعب كتييره كويسه أوى لـ اللغه.






6. إتعلم كلمات جديدة:




إجمع الكلمات الجديده اللى بتتعلمها فى دفتر أرقام الهاتف , و دى فكرة حلوة لإن ممكن ترجعلها أى وقت و تكون زى (قاموسك الشخصى).






7. قم بـإثـراء لغتـك:




قم بعمل كراسة صغيرة تجمع فيها أى قول مأثور أو مثل دارج أو أى بيت شعر من اللى بتقرأهم أو بتسمعهم , هينفعوك بجد فى المستقبل.






8. إسأل عن اللى متعرفهوش:




متترددش دايمً فى إنك تسأل عن حاجه متعرفهاش , إسأل أى حد من اللى بتأنس فيهم المعرفة عشان تتعلم ,عشان كل ما تعلمت اللغه هتتيسر لك و هتستمتع بيها .






9. أعمل واجباتك :




لإن الواجبات بتثبت المعلومات فى العقل و يسهل عليك انك تتذكر المعلومات بعد كده.






10. إستثمـر أجازتك الصيفيه:




متخليش أجازتك تنسيك اللى تعلمته طول السنه,لإنك لو نسيت هتتعب فى السنه الجايه, بالعكس الأجازة دى فرصة لإنك تطور نفسك فى اللغه بعيد عن ضغوط المواد الدراسيه,خطط لنفسك برنامج لممارسة اللغه مثلا زى بالإلتحاق بمعاهد لتعلم اللغات .


أعزائى القراء, أتمنى تكونوا إستفدتم من النصائح اللى فوق , ومتنسوش تدعولى هاه.




سلااامـ

this is a good idea
thank you very much

Thanks Sandrella for these significant information

احكوا عربي خلونا نفهم

ههههههههههههههههه
عم امزح

thank you Sandrella for this information

بانتظار جديدك

شكرا إلك على الموضوع الرائع والمفيد وماشالله الكل تعلم اللغة بسرعة

thank you

مشكوره على الموضوع الحلو فوأه هوا اصلا الانجليزيه سهل تعلمها

بس مو كتير سهل نتعلمها بدها كتير من المتابعة
مشكور ونورت صفحتي