ما ابي مهر منك ولا شبكه ولا فستاان بس ابيـ...؟؟

أنـا مابـي.. مهـر منـك ولا.. شبكـة ..ولا فسـتـان...



تمنيتـك علـي تقبـل .. أشوفـك مبتسـم فرحـان


وأشوف أهلك يغنـوا لـك ولدروبـي يزفونـك ..



وتزيد بقلبي نبضاتـه ويحمـر وجهـي الخجـلان


ويرعش جسمي بقدومك وأقول امشي على هونك ..



وامـلاك السمـا تحفـك بنـور الـرازق المنـان



عليك اسم الله يالغالي وعمت عين اللي يحسدونك ..




تسابق لجلـي خطواتـك تجينـي محتـرق لهفـان


وأحط يدي على قلبـي واقولـه جـاك مفتونـك ..




وتفتـح طرحتـي بيـدك وأتـوه بسحـرك الفتـان


ياعمري والله خجلانـة وميتـه بنظـرة عيونـك ..





يريحني كلامـك لـي يامـا حـلا ليلـة العرسـان


وتعاهدني بتوفي لي وأعاهدك أنـي مـا أخونـك ..





مضى عمري وأنا احلم وأظـم طيوفـه


بالأحضـان واسـأل ليلـى يـا ليلـى شسويتـي بمجنونـك ..





تحقق نصف حلمي بـك وشفتـك مقبـل وفرحـان


وشفت اهلـك يغنـوا لك.....وللحلـوة يزفونـك .




.


خنقت بنفسـي عبراتـي وخنقنـي قلبـي الغيـران


وحبست دموعي في عيني وقلت امشي على هونك ..





فضحني صوت شهقاتي ورجيـت الواحـد الديـان


يخليها ويقدرنـي أضمّـد جرحـي مـن دونـك ..





أشوف شلون تضحك لـك وقلبـي يشتعـل نيـران


دعيـت الله يهنيهـا معـاك وتجلـي شجـونـك ..





وأنـا منهـو يهنينـي ويـداوي قلبـي الوجـعـان


أنا ونيت يوم أنـي سمعـت إخوانـي يطرونـك ..





غديت بغبنتي وحنيت وصفت إحساسـي للجـدران


رحلت وربي ما ضنيت مصيري غيري تصونـك ..





وناديتـك ولا لبيـت وتخالـط شوقـي بالهجـران


بتنهيـدة أنـا ترجيـت لـي ربعـي يجيبونـك ..





يقولـون ادفنـي ذكـراه وانسـي الـلـي خــان


قسم بالله مـا انسـاك ولـو هالكـون ينسونـك ..





تروف بحالتي ( ؟ )وتحلـف والله هـو خسـران


يواسونـي رفيقاتـي يقولـن كلـنـا عـونـك ..





كبيرة بعين كل ربعـي أمـوت وعـزي ماينهـان


كـذا تخلينـي أصغرهـم مـع فلانـة يلقونـك ..





أنـا مابـي مهـر منـك ولا شبكـة ولا فسـتـان


طموحي احتضن حزنك وازيـن بالهنـا كونـك ..





أبيـك تكـون لـي وحـدي بديـره مابهـا سكـان


تنومني بوسط عينك وتلحـف جسمـي بجفونـك ..





غناتـي ليـه تاخذهـا وتشمـت فينـي الـعـدوان


وش اللي ساومك فيها وصغر شخصـي بعيونـك ..



وش اللي مو حلو فيني...؟؟ كسرت بخاطري يافلان



خبر عرسك قضى فيني هلكت قليبـي بطعونـك ..




(مزن )ضميتها وبليـت شعرهـا بمدمعـي الهتـان



ياعمري خلـو الخالـة وعساهـم مـا يخلونـك ..





يهون عليك ترخص بي وتجازي طيبتـي بنكـران


عشقت اهلك على شانك ولمـت اللـي يلومونـك ..





أسفه والله أسفـه مكتـوب أهيـم بسكـة الأحـزان



ومكتوب تلقى بنت ناس تعيش بدالي فـي كونـك ..





ياشيـن اللحظـة ذي والله تمنيـت ألبـس الأكفـان



وأشوف الظلمة في قبـري ولا بغيـري يهنونـك ..





يبين ارجوووك خذ روحي ونادو يـا هلـي الدفّـان





ابيك تحـس بجروحـي.. وبتابوتـي يمرونـك ..





أبيك تشيـل تابوتـي علـى كتفـك يغصـن البـان



وتعرف قدري بموتـي وتدمـع لجلـي عيونـك ..





بذاك الوقت أبـي امسـح دمـوع الغالـي بأكفانـي




دموعك أغلى ما عنـدي يامالـك كـل وجدانـي ..





فراق أهلي وزواجك موت ، ودمعك موتـي الثانـي



خلاص ارحمني لاتبكي دخيل الله علـى شانـي ..






زماني مارحـم ضعفـي هـزم حسـي وتحدانـي



عهد في قبري ما نساك تعـال وزورنـي عانـي ..





تعـال خلنـي بـحـس إنــك عـلـي ولـهـان



وبـفـرح وانــا فــي وســط تـربـانـي ..

مما راق لي.. لا تحرموني من ردودكم

شعر جميل جدا


:^&^: