نقاش حاد بين الصبايا والشباب

تذكير بمساهمة فاتح الموضوع :


[ندعوك للتسجيل في المنتدى أو التعريف بنفسك لمعاينة هذه الصورة]



:يا هـــلا وسـهـــلا


أحببت هذا الموضوع لشدة روعته والأسئله التي تدور عليه

والحوار الناجح الذي يقوم عليه ...

لذلك نقلت هذه الفكرة وهذا الحوار [ الساخن ]

وهو عبارة عن حوار مثير بين فريقين


فريق (الشباب)

فريق ( البنات )



وضعتها من باب المداعبة

هناك أمور يكرهها الرجل في المرأه أو لا يستطيع فهمها

(( و ))


هناك أمور تكرهها المرأة في الرجل أو لا تستطيع فهمها


وسنقوم في هذا الحوار بتسليط الضوء على كل ما لا يعجبنا في الجنس الآخر بكل صراحة

و موضوعية وبعيداً عن التعصب حتى نستمتع و نخرج منه بنتائج إيجابية.


[ بداية الحوار ]


سيقوم فريق الشبـاااب بطرح تساؤل عن أمر معين لا يعجبه في البنــاات


وسيقوم فريق البنااات بالرد وتبرير الموقف


وبعد إعطاء الإجابات والمبررات الكافية يصبح فريق البنات في وضع الهجوم
ويطرح سؤال على فريق الشباب.....وهكذا يستمر الحوار



[ملاحظة]



يحق للجميع المشاركه وابداء الرأي ولاكن بعيدا عن التجريح



وأرجوا أن نكون مع الحق دائماً بعيداً عن الإنتماء و التحيز
(( صافرة البداية ))


ملاحظة:
السؤال اللي تسأله بنت لازم يرد عليه شاب والعكس
لكن ما يصير بنت ترد على بنت





يلا بدنا نشوف اسئلتكم...

[ندعوك للتسجيل في المنتدى أو التعريف بنفسك لمعاينة هذه الصورة]

لا أكيد ما عم نتخانق بس هاد حوار جدي طبعا مع روح المداعبة عشان نطلع بنتيجة يستفيد منها الكل

الشب الهادي:اذا بتقصد هداوة الأعصاب فيا سلاااااااام شي حلو كتير
أما الشب الهادي يلي ما بتسمع حسو بقلب الجلسة فما حلوة كتير للشب

الشب المزوحي: بظن انو أحلى شي بالشب انو يكون مزوحي لأنو المزح بغطي عليه كتير شغلات حلوة مو موجودة فيه

الشب المغزلجي : آه منو هاد الشب..رح لخص صفاتو لهاد الشب بجملة يلي هية(كلشي زاد عن حدو نقص)

الشب المؤدب:شي خلو كتير شو بدها البنت أحسن من هيك

الشب الخجول:كمان كلشي زاد عن حدو نقص..يعني ما لازم يكون خجول بكلشي ويكون الخجل بحدود لأنو هوة مو بنت ليخجل
يعني فيك تقول الشب الخجول هوة نفسو الشب المذوق تقريبا"

أما الشب معتز فهوّة زينة الشباب وأد ما حكيت ما رح لحق أوصف من هون لبكرا الصبح

وان شاء الله بكون جوابي واضح ومفهوم

ههههههههههههههههههههههه
مشكورة بنوتة كتيييييييييييييييييير عالرد الحلو والله شي بجنن

بدي أسأل سؤال هلأ خطر ببالي وهوة:

ليش انتو الشباب لما تحبو بنت فهاد الشي عادي ....أما لو كانت أختكو هية يلي بتحب فما بتقبلو بهالشي
..وبتحللو لالكو وبتحرمو على غيركو...يعني بتكونو شكل وبتصيرو شكل تاني

شو ناسيين انو اللي بتحبوها بتكون بنت...ولّا الحبيبة شكل والأخت معاملة تانية

بانتظار الأجوبة على أحر من الجمر
ومشكورين عالجواب سلفا"

اي أكيد نجحت ولو
بس عندي سؤال لكل واحد بجاوب عليه وهوة كل واحد بجاوب يكتب ردة فعلو هوة كمان...اوكيييييي

والله انا جوابي من جواب غيث وبوافقه مية بالمية

شو أكتر شي بتتمناها البنت بالشب ؟؟؟؟
ياي شو أسئلتي حلوة هههههههههه

بصراحة انا بهمني أكتر يكون دارس حتى لو مو مستواه أعلى بمني
بس هاد ما بيعني انو أحوالو ما تكون منيحة يعني ما قصدي يكون مريش لا أبدا..المهم بيقدر يعيش عيلتو

سؤالي :
مين أهم عنكو الشخصية ولّا الشكل عند البنت ولّا شو؟

انااا بالنسبة الي ما بهمني الشكل نهائي
ممكن شي غريب ....بس انو جد ما بهمني نهائي

بالنسبة لشخصية البنت كتير كتير بتهمني وانو لازم تكون طيوبة وحكيها حلو وأكتر شي بهمني انها تكون مؤدبة
هههههههههههههههههه
هاد رأيي صح انو غريب بس ما بستغني عنو نهائي


انتو بهمكو شكل الشب يكون حلو ؟؟؟؟

أنا بالنسبة الي ما بدي اياه يكون حلو....بس بدي اياه يكون مقبول
بس اذا كان جذاب بروحو(كيف هاي ما بعرف فلا حدا يسألني) هههههههه حتى الشكل ببطّل يهمني

انتو شباب بدكن البنت ست بيت ما كان قلها لا طلعة ولا فوتة ولّا مجربة الحياة وفاهمتا؟؟؟؟

تكون ست بيت منيحة
ومو عيب اذا كان الها طلعة وفوتة بس مع حد محرم الها

بتحبو الشب الجريئ

اي أنا بحب الشب الجريء

ممممممممممممممم
اي براي تسلاي
بس مو كل البنات

شو موقفك اذا شب وقفك بالشارع وقلك انا بحبك
هيك فورا

لك شو تسلاي ماشي أحمد
ياريت البقايا من الشباب يعطونا رأين بسؤال ربا

ههههههههههههههههههه
تسلاية ؟؟؟ حلوة هادي ....انا ما فهمت كتير شويلي بتعنيه ربا من سؤالها
بس انا بحياتي ما فكرت اني استغل اي بنت ولا بفكر باي لحظة اني أعمل هيك .....مسلن اني احكي معها وسمعها كلام حلو ومن وراها بسب عليها وبحكي مع الف غيرها وبعتبرو تفاهة بصراحة بس انو مو كل الناس متل بعضن ومو كل الناس هيك بتفكر
ياااااااااااااااااااي حاسس حالي ملاك هههههههههه
بس والله هادي الصراحة

انتو البنات بتعتبرو الشباب تسلاية ؟؟؟؟؟

انت أكيد معتز ملاك بس لا تصدق ههههههههه عم بمزح معك أبو العز

بصراحة وأنا كمان ما فهمت سؤال ربا ولا حتى جواب فلسطيني

هلأ انا بعتبر كل الشباب واحد ومتل بعض بمعاملاتي الهن(المعاملة محترمة وضمن الحدود أكيد)..سواء بالمنتدى..قرايبي..زملائي بالجامعة
هن مو تسلاية بس كمان مو بفكري أبدا أبدا أبدا

مممممممممممم
شو راي البنات ؟؟
الشب الحمش
الشب المتهور
الشب المبالغ بالرومانسية
الشب الناشف

انو كيف نظرتكن لهيك شباب

شو بنات ما عم لاقي جواب لسؤالي
يعني كتير صعب السؤال ؟؟؟

سؤال للبنات
انتو ممكن تقبلو بشب اصغر منكن ؟؟؟
بتمنى شوف جواب مقنع

مممممممممممممم

بعتقد انو البنات ما رح يقبلو بشب أكبر منهن...بس اذا كانو بحبو بعض أو بالاحرى بدهن يتعرفو على بعض ويحبو فالبنت ساعتها بعتقد بس بحالة وحدة رح تقبل اذا كان من جيلها يعني اتنيناتن بنفس العمر
لأنو البنت مانها مضطرة لتحب شخص أكبر منها مو مشان شي بس عشان المجتمع وتقاليدو يلي على ما اعتقد البنت بتحسب حسابو اكتر من الشب
كمان لأنو فيما بعد الارتباط رح تحس البنت انو يمكن ظلمتو للشب أو بالعكس ...يعني بعدين يمكن يصحى الشب على حالو ويقول ياريت يلي جرى ما كان ..لأنو بعدين بس يرتبطو ويمر العمر رح تسمع البنت كلام من الناس ما رح يعجبها ..والشب كمان رح يسمع كلام ما رح يعجبو متل : لك انت شو جبرك انك تتزوج بنت أكبر منك

وغيراتو
وكمان البنت بس تكبر رح يحس الشب انو لساتو بعز شبابو و اذا حست البنت بهالشي فهاد رح يجرح شعورها

انشالله تكون وصلتك الفكرة معتز واذا في كمان أسئلة فأنا جاهزة

اهلا معتز

انا سؤالي هون ::: ليش بيحكو هيك *انتا شو حبرك تاخد وحدة اكبرمنك *
يعني مسلن ليه ما بقولو انتي شو جبرك تاخدي واحد اكبر منك


بس انا حابب افهم هالنقطة ؟؟؟
وليه كمان البنات مش بيقبلو يعني ؟؟

هلأ بالنسبة عمين بدنا نحكي ونعاتب الشب ولا البنت فهاد رح يرجع على مين حب التاني..ومو بس هيك..يعني عنا بهالمجتمع البنت هية دايما يلي بتنلام وبتصير ملطشة الكل والشب كأنو هوة مادخلو ...يعني يمكن الشب بعد الارتباط يصير يجرحها للبنت بكيف تنازل وأخد وحدة أكبر منو...وا تقلي ما بتصير لأنو بتصير وكتير كمان

هلأ بالنسبة للبنات ليش ما بيقبلو فأنا شرحتلك قبل

انا هيك بتوقع رح يكون جواب البنات وخاصة يلي بفكرو بعقلن أكتر من عاطفتن

هههههههههههههههههههه
كتير حلو
مشكورة بنوتة